Álfabakki 12, 2 hæð 109 Reykjavík

Opnunartími:
Mánudagar: 13:30-15:00
Föstudagar: 13:30-15:00





Skoðaðu, pantaðu og prófaðu fullt af skemmtilegu dóti fyrir skóla- og frístundastarf


Búnaðarbankinn býður starfsfólki Skóla- og frístundasviðs Reykjavíkurborgar upp á tveggja vikna útlán, án endurgjalds, á fjölbreyttum náms- og kennslugögnum. Hugmyndafræði Búnaðarbankans er að gera starfsfólki skóla- og frístundastarfs kleift að prófa ýmsar nýjungar í starfi án skuldbindinga. Starfsstaðirnir geta þannig prufukeyrt gögn og efni og valið í kjölfarið hvort þeim hugnist að fjárfesta í slíku í framtíðinni. Flest allt í Búnaðarbankanum er hægt að fá að láni til að prófa en sumir hlutir eru einungis hugsaðir til kynningar. Hægt er að hafa samband við okkur í Mixtúru til að skoða þá hluti betur ef áhugi er á.


Búnaðarbanki Skóla- og frístundasviðs Reykjavíkur er undir hatti Mixtúru sköpunar- og upplýsingatæknivers SFS og er til húsa í Álfabakka 12, 2. hæð, 109 Reykjavík. Sjá opnunartíma hér fyrir ofan

                                                                                                       

                                                            



Starfsfólki á öllum stigum skólastarfs sem og frístundastarfi SFS stendur til boða að skrá sig inn, panta þau gögn sem þeim líst á og sækja svo í Búnaðarbankann. Mikilvægt er að nota netfang frá Reykjavíkurborg við skráningu og setja nafn starfsstaðar í stað heimilisfangs.
Mikilvægt er að notendur fari vel með og yfirfari innhald kassa áður en þeim er skilað til að tryggja að allt skili sér til baka. 


Hlökkum til að sjá ykkur!



 

...